Poem-2

Kuch door chal kar hum

thoda tehar gaye..
Mausam jo badla to..
rasta bhatak gaye..

Do kadam pe manzil thi..
meelon hum chal gaye..
Kis or jana tha..
aur kaha pahunch gaye..

Bebasi ka aalam hai..
khoye kahan hum hai..
Humne na jana ye..
par wo samajh gaye..

Wo pal aur palcchin to..
aaye aur chal diye..
Chaaha tha rok le..
waqt ne sitam kiye..

Ab door manzil hai..
raste sabhi naye..
Jahan se aaye the..
us or chal diye..

Kuch der to chale..
par fir se ruk gaye..
Ab dil ye mera q..
mujhse hai ye kahe..

Aage bhi kaantein hain..
ab aur kyu sahein..
Naye raasto ki hum..
Mitti mein kyun sanein..

Humne hai zind se..
saude kai kiye..
Mann bawra hai ye..
sapno se nabh siye..

Do rang-gar mile..
berang na rahe..
Mauka to ik mile..
is aasma tale..

Kuch waqt ne diya..
kuch khud juta liye..
Kuch kuch mila kar fir..
rangat kai diye..

Waqt ne hai ghaav pe..
marham se rakh diye..
Arsaa ye lamba tha..
par jakhm bhar gaye..

Kuch phool sabnam se..
raahon mein khil gaye..
Jeevan ki kashti pe..
badhte chale gaye..

Mana k humne hain..
shikwe kai kiye..
kch na kahenge ab..
marr bhi agar gaye..

Mehki hawa chali..
khoosboo bikhar gyi..
Banzar si dharti ko..
jannat bana gayi..!!