Poem-1

Suraj ki roshni se chamakta surmayi savera
Os ki chadar se dhaka fulon ka chehra
Aasma mei udati rang birangi patang
Khilkhilaate nazaare laate khushi ki tarang

Dopahar mei chadta suraj ka para
Shaam ko chalti mand hawa zara zara
Andhere mei jagmagata nanha sa tara
Raat k aanchal mei chupa ghana andhera

Barish mei lagta badlo ka pehra
Barf se ghiri vaadiyon mei reshami kohra
Patjhad mei girte patto ki mayusi
Hariyaali k fir se aane ki khushi

Sab kuch jaise gum hota ja raha hai
Dhue ka chehra har pal muskura raha hai
Khoobsurat nazaare khote ja rahe hain
Jaise sehme hue se apne aansu chupa rahe hain