Waqt To Behta Pani Hai..!!

Waqt to behta pani hai

Jo kehta kabhi teri

To kabhi meri kahani hai

Har pal har lamhe mei chupi

Koi khwaahish noorani hai

Khwaahisho ka kya hai

Aaj ye to kal wo

Rehti jaise ret pe bhi koi nishaani hai

Humein nhi pata

Jaa rahi hai kahan

Chalte ja rahe hain wahaan

Jaha le jaati ye zindgaani hai

Zindagi bhi bhala saath nibhayegi kab tak

Konsi isse bhi koi dosti puraani hai

Kehna chaahte to keh dete

Do lafzo mei bhi

Par jab likhne baithe to jaana

Jaise bhuli bisri koi gazal ye anjani hai

Likhte likhte beet gayi sadiyaan jaise

Par phir bhi adhuri ye kahani hai

Jaane kab puri hogi ye daastan

Ye baat to na kalam

Aur na hi behti is shyaahi ne jaani hai..

Char pal jo jee lein muskuraa kar

To hum bhi keh paayenge

Ki jeevan ki dhoop kitani suhaani hai..!!